ആവശ്യമായ സാധനങ്ങൾ

• പനീർ - 200 ഗ്രാം ( ക്യൂബ്സിൽ കട്ട് ചെയ്യുക )
• സവാള - 1 വലുത്
• പച്ചമുളക് - 3 എണ്ണം
• ഇഞ്ചി - 1 ഇഞ്ച് നീളം
• വെളുത്തുള്ളി - 4 - 6 അല്ലി
• തക്കാളി - 1
അണ്ടിപരിപ്പ് - 8-10 എണ്ണം (ഇളം ചൂടുവെളളത്തിൽ കുതിർത്ത് വെക്കുക)
• മല്ലിപൊടി - 1 ടിസ്പൂൺ
• മുളക്പൊടി - 1 ടേബിൾ സ്പൂൺ
• മഞ്ഞൾപൊടി - 1 ടിസ്പൂൺ
• ഗരംമസാലപൊടി - 1 ടിസ്പൂൺ
• കസൂരിമേത്തി - 1 ടിസ്പൂൺ
• മല്ലിയില - ആവശ്യത്തിന്
• ഉപ്പ് - ആവശ്യത്തിന്
• എണ്ണ - ആവശ്യത്തിന്

തയ്യാറാക്കുന്ന വിധം

• പാനിൽ കസൂരിമേത്തി ചെറുതായി ചുടാക്കി മാറ്റി വെക്കുക. അതേ പാനിൽ എണ്ണ ചൂടാക്കി സവാള അരിഞ്ഞത്, ഇഞ്ചി, വെളുത്തുള്ളി, ഉപ്പ് ഇട്ട് വഴറ്റുക. പാത്രത്തിലേക്ക് മാറ്റി തണുത്താൽ മിക്സിയിൽ അരച്ച് വെക്കുക. അണ്ടിപരിപ്പും അരച്ചു വെക്കുക. പാനിൽ എണ്ണ ഒഴിച്ച് ചൂടായാൽ തക്കാളി, പച്ചമുളക് ഇട്ട് വഴറ്റുക. മല്ലിപൊടി, മുളകുപൊടി, മഞ്ഞൾപൊടി ഇട്ട് പച്ചമണം മാറുന്നത് വരെ വഴറ്റുക. ( പൊടികൾ കരിഞ്ഞു പോവരുത്. സ്വാദ് മാറും.) ഇതിലേക്ക് അരച്ച സവാള, ഇഞ്ചി,വെളുത്തുള്ളി പേസ്റ്റ് ഇട്ട് 2,3 മിനിറ്റ് നന്നായി വഴറ്റുക. പനീർ കഷണങ്ങൾ ചേർക്കുക. അരച്ച അണ്ടിപരിപ്പ് പേസ്റ്റും ഗരംമസാലപൊടിയും ആവശ്യത്തിന് ഉപ്പും, വെളളവും ചേർത്ത് ഇളക്കി കസൂരിമേത്തി കൈകൊണ്ട് ക്രഷ് ചെയ്ത് ഇട്ട് 2,3 മിനിറ്റ് ചെറിയതീയിൽ വേവിക്കുക. മല്ലിയില ചേർത്ത് ചൂടോടെ വിളമ്പാം...